Joriy yilning 22-noyabr kuni Fargʻona viloyati sharqiy-harbiy okrugining madaniyat saroyida “Quvnoqlar va zukkolar” koʻrik tanlovining “Ittifoq kubogi” bellashuvi oʻtkazildi.
Koʻrik-tanlov Fargʻona viloyati hokimligi, Yoshlar ishlari agentligi Fargʻona viloyati boshqarmasi, Oʻzbekiston yoshlar ittifoqi Fargʻona viloyati Kengashi va Quvnoqlar va zukkolar assotsiatsiyasi hamkorligida tashkil etildi.
Viloyatning eng kuchli 6 ta jamoasi ishtirok etgan bellashuvda, Islom Karimov nomidagi Toshkent davlat texnika universiteti Qoʻqon filialining “Omadli yoshlar” jamoasi ham muvaffaqiyatli chiqishlari bilan muhlislarning olqishlariga sazovor boʻldi.
