Islom Karimov nomidagi Toshkent davlat texnika universitetining Qo‘qon filialida aql, mantiq va strategiya mujassam bo‘lgan shaxmat musobaqasi bo‘lib o‘tdi! Musobaqa talabalar va professor-o‘qituvchilar o‘rtasida hayajonli kechdi.
🔥 Intellektual jang maydonida 30 dan ortiq talaba va 20 dan ortiq professor-o‘qituvchi o‘z kuchini sinab ko‘rdi. Har bir yurish, har bir kombinatsiya – g‘alabaga intilish va mantiqiy fikrlash mahsuli edi. O‘yinlar shunchalik qizg‘in kechdiki, har bir ishtirokchining ko‘zida intellektual ruh, jangovarlik va g‘alabaga bo‘lgan ishtiyoq aks etardi!
⏲️ Musobaqa 13:30 da start oldi va 17:00 da yakunlandi. Final bosqichi tomoshabinlarni o‘ziga rom etdi.
🎉 Talabalar o’rtasidagi o’yinda:
🥇1-o’rin: 9/23-Menejment-Soliyev Islombek
🥈2-o’rin: 3/23-Iqtisodiyot-Murodova Nazirabonu
🥉3-o’rin: 9/23-Menejment-Turg’unaliyev Shohruhbek
🎉 Professor-o’qituvchilar o’rtasidagi o’yinda texnika fablari nomzodi, dotsent Begijon Tojiboyev g’olib bo’ldi.
👥 So’ngra talabalar o‘rtasida g‘olib bo‘lgan ishtirokchi-talaba Soliyev Islombek Qo‘qon davlat universiteti rektori v.b. Sh.Pulatov bilan kuch sinashdi. Nafaslarni ichga yutgan holda kuzatilgan bahs yakunida Sh.Pulatov g‘alabaga erishdi!
🎉 Finalda Sh.Pulatov va B.Tojiboyev o‘zaro kurash olib borishdi, natijada Qo‘qon davlat universiteti rektori v.b. Sh.Pulatov musobaqaning mutlaq g‘olibi deb topildi!
👏 Ushbu musobaqa nafaqat shaxmatga qiziqish uyg‘otdi, balki yoshlarni mantiqiy fikrlash, strategik rejalashtirish va sabr-toqat bilan g‘alabaga intilishga undadi.
