Islom Karimov nomidagi Toshkent davlat texnika universiteti Qoʻqon filialida Zahiriddin Muhammad Boburning tavalludining 539-yilligiga bagʻishlab maʼnaviy-maʼrifiy tadbir oʻtkazildi.
Tadbirda filial ma’naviyat va maʼrifat boʻlimi boshligʻi N.Sharipova, «Yoshlar ittifoqi» BT raisi H.Haydarov, tyutorlar hamda iqtidorli talaba-yoshlar ishtirok etdi.
Tadbirda iqtidorli talabalar Bobur hayoti, bosib oʻtgan yoʻli, ijodi haqida soʻz yuritdi.
Tadbir ishtirokchilari Boburning goʻzal xulq-atvor egasi, taqvo, shijoat, halollik, vafodorlik, sabr-toqat, himmat, adolat, rahm-shafqat kabi hislatlarni mujassamlagan va bu hislatlar uning ijodida ham oʻz ifodasini topganligini qayd etishdi.
Shuningdek, tadbir davomida filial rasmiy telegram sahifasida boʻlib oʻtgan «Buyuk allomalarimiz merosi – bebaho xazina» tanlovi gʻoliblari aniqlandi va estalik sovgʻalari bilan taqdirlandi.
