Islom Karimov nomidagi Toshkent davlat texnika universitetining Qoʻqon filialida Sogʻlom turmush tarzini targʻib qilish maqsadida «Biz sogʻlom turmush tarafdorimiz»,»Biz OITSga qarshimiz» mavzusida davra suhbati tashkil etildi. Qoʻqon shahar tibbiyot birlashmasi OITS boʻyicha masʼul shifokorlari R.Maxmudov va epidemolog B.Namozovlar OITSning oqibatlari, uning jamiyatga taʼsiri mavzusida maʼlumot berib oʻtdi. Shuningdek, talabalarning qiziqtirgan savollariga javob berdilar. Suhbat soʻngida Yoshlar masalasi boʻyicha dekan oʻrinbosari R.Ummatov va maʼnaviyat-maʼrifat boʻlim boshligʻi N.Sharipovalar talabalarga oʻz fikr va mulohazalarini bildirdilar. Mavzuga oid devoriy gazetalar tanlovi oʻtkazildi.
