Klaviaturada tez va toʻgʻri yozish musobaqasi

Joriy yilning 3-fevral kuni, Islom Karimov nomidagi Toshkent davlat texnika universitetining Qoʻqon filialida yoshlar masalalari boʻyicha direktor maslahatchisi J.Tadjibayev tashabbusi bilan, talaba-yoshlarning kompyuter savodxonligini yanada oshirish maqsadida “Fast typing” klaviaturada tez va toʻgʻri yozish musobaqasi oʻtkazildi.

«Yoshlar ittifoqi» boshlangʻich tashkiloti yetakchisi H.Haydarov, tyutor D.Inomov hamda 6-21 guruh yetakchisi S.Ikromov hamkorligida tashkillashtirilgan tanlovda jami 26 nafar iqtidorli talabalar ishtirok etishdi.

Yakuniy natijalarga koʻra, 1-oʻrin 53 ball toʻplagan 11-21 TMJ guruh talabasi Sh.Yo’ldoshaliyevga nasib etdi. 2-oʻrinni esa 32 ball toʻplagan 1-22 guruh talabasi A. Abdurahmonov egalladi. 3-oʻrinni 29 ball bilan 6-21 guruh talabasi U.Yoʻldoshev qoʻlga kiritdi.

Kompyuter texnologiyalaridan samarali foydalanishni tashkil etishga qaratilgan tanlov talaba-yoshlarda katta qiziqish bilan kutib olindi. Gʻoliblar keyingi bosqichga yoʻllanmani qoʻlga kiritishdi.

       

Ochiq eshiklar oyligi

Islom Karimov nomidagi Toshkent davlat texnika universitetining Qoʻqon filialida Ochiq eshiklar oyligi munosabati bilan Qoʻqon shahar 1-maktabning 11-sinf bitiruvchi oʻquvchilari tashrif buyurdi. Oliygohning faoliyati va yoʻnalishlari toʻgʻrisida filial professor-oʻqituvchisi A.Akbarov moderatorlik qildi. Ushbu ochiq eshiklar tadbiri filialning marketing boʻlimi, muhandislik-texnalogiya kafedrasi, matbuot xizmati bilan hamkorlikda amalga oshirildi.

     

Uchrashuv

Joriy yilning 2-fevral kuni Islom Karimov nomidagi Toshkent davlat texnika universitetining Qoʻqon filialiga Axborot kommunikatsiya texnologiyalari va harbiy aloqa institutining oʻquv boʻlim boshligʻi podpolkovnik X.Rahimov tashrif buyurdi. Filialda harbiy aloqa sohasiga qiziqadigan talabalarimizga oʻzlarining oliy oʻquv yurtlarini targʻib etish maqsadida tashrif buyurdi. Talabalar bilan ochiq muloqot davomida asosan 3-bosqich talabalari 2-yil mobaynida tahsil olishlari va qabul jarayoni toʻgʻrisida batafsil maʼlumotlar berib oʻtdi.

       

Kitobxonlik

Joriy yilning 2-fevral kuni Islom Karimov nomidagi Toshkent davlat texnika universitetining Qoʻqon filialida direktor maslahatchisi J.Tadjibayevning tashabbusi bilan filialning Kutubxona markazida Abdulhamid Choʻlponning hayoti va ijodiga bagʻishlangan ijodiy kitobxonlik kechasi boʻlib oʻtdi. Uni filial yoshlar masalasi boʻyicha dekan oʻrinbosari R.Ummatov ochib berdi. Kutubxonachi D.Joʻrayeva tomonidan Choʻlponning hayoti va ijodi haqida maʼlumot berildi. Shuningdek, talaba D.Bahriddinova tomonidan Abdulxamid Choʻlponning sheʼrlari tinglandi va talabalar tomonidan yod olgn sheʼrlari zavq bilan ijro etildi. Kitobxonlik kechasi talabalarda katta taassurot qoldirdi. Kecha soʻngidada maʼnaviyat-maʼrifat boʻlim boshligʻi N.Sharipova Abdulhamid Choʻlpon haqida oʻz fikr-mulohazalarini bildirdi.

        

Zakovat

Joriy yilning 2-fevral kuni Islom Karimov nomidagi Toshkent davlat texnika universiteti Qoʻqon filiali direktor maslahatchisi J.Tadjibayev tashabbusi bilan, matbuot xizmati hamda maʼnaviyat-maʼrifat boʻlimi bilan hamkorligida talabalar oʻrtasida “Zakovat” intellektual oʻyini ligasining Qishki mavsum 1-tur 5-oʻyin bellashuvi boʻlib oʻtdi. Oʻyinni yoshlar bilan ishlash va maʼnaviyat-maʼrifat boʻlim boshligʻi N.Sharipova ochib berdi hamda barcha talabalarga omad va zafarlar tiladi. Intellektual oʻyinni filial “Zakovat” koordinatori X.Begmatov olib bordi Bellashuvda jami 4 ta jamoa ishtirok etdi. Oʻyinlar juda murosasiz bahslarga boy boʻldi. Unda «Yunayted», «Temurbeklar», «Omadlilar»,»Intelekt» jamoalari kuch sinashdi. Yakunda «Yunayted» jamoasi gʻolib boʻldi.

1.🔹»Yunayted» jamoasi 45 ball
2.🔺»Temurbeklar» jamoasi 41 ball
3.🔺 Omadlilar jamoasi 26 ball
4.🔺Intelekt jamoasi 16 ball
5.🔻Milliy jamoasi 15 ball
6.🔻 Ekonimiks jamoasi 5 ball
7.🔻 Yupiter jamoasi 4 ball
8.🔻 Lochinlar jamoasi 4 ball

         

Vatanparvarlik

Joriy yilning 1-fevral kuni Islom Karimov nomidagi Toshkent davlat texnika universiteti Qoʻqon filialida direktor maslahatchisi J.Tadjibayev tashabbusi va sayi harakati bilan filialda harbiy tajribaga ega boʻlgan zaxiradagi podpolkovnik S.Nishonov tomonidan belgilangan reja asosida talabalarga ona vatanga sadoqat ruhida tarbiyalash, ota-onaga hurmat, kattaga hurmat, kichikka izzat tamoyili asosida tashkil etilgan «Vatanparvarlik-1» toʻgaragining dastlabki nazariy mashgʻuloti boʻlib oʻtdi. Amalga oshirilgan nazariy mashgʻulot talabalar orasida harbiy tayyorgarlik koʻnikmalarini shakllantirish maqsad qilingan boʻlib, mavzu yuzasidan boshlangʻich maʼlumotlar berildi. Mashgʻulotda jami 57 nafar talaba ishtirok etdi.

       

MISSIONERLIK – YOShLAR KELAJAGIGA TAHDID

Missionerlik (missiya soʻzidan), tabshir, mubashshirlik — biror dinga eʼtiqod qiluvchi xalqlar orasida boshqa bir dinni targʻib qilish demakdir hamda barcha dinlarda uchraydi.

Joriy yilning 1-fevral kuni Islom Karimov nomidagi Toshkent davlat texnika universitetining Qoʻqon filialida yoshlar masalalari boʻyicha direktor maslahatchisi J.Tadjibayev tashabbusi bilan talabalarga Missionerlik – yoshlar kelajagiga taxdid mavzusida davra suhbati tashkil etildi.

Davra suhbatini filial «ijtimoiy va aniq» fanlar kafedrasi mudiri N.Xolmirzayev olib bordi hamda missionerlik tushunchasi, mavzuga oid atamalarning sharhiga toʻxtalib, mavzuning salbiy oqibatlari va jamiyatga taʼsiri yuzasidan hayotiy maʼlumotlar berildi.

Davra suhbatida tyutor D.Suleymanov hamda 48 nafar talaba-yoshlar ishtirok etishdi. Qiziqarli boʻlib oʻtgan davra suhbati, savol-javoblarga boy boʻldi.

               

Guruh sardorlarining faolligini oshirish maqsadida kengaytirilgan yigʻilish

Joriy yilning 1-fevral kuni Islom Karimov nomidagi Toshkent davlat texnika universitetining Qoʻqon filialida guruh sardorlarining faolligini oshirish maqsadida kengaytirilgan yigʻilish boʻlib oʻtdi. Uni filial direktor v.b B.Qushimov ochib berdi.Talabalarga oʻquv faoliyati va baholash jarayonlar yuzasidan oʻquv ishlari boʻyicha direktor oʻrinbosari R.Anorov kerakli tushuncha va maʼlumotlar berdi.Shuningdek, yoshlar bilan ishlash, maʼnaviyat-maʼrifat boʻlim boshligʻi N.Sharipova talablarga ichki tartib qoidalar va odob ahloq qoidalar hamda tadbirlar yuzasidan takliflari tinglandi. Filial talabalar va mahalla uyushmagan yoshlar orasida jinoyatchilikni oldini olish, diniy ekstremizm taʼsiri, turli xil oqimlarga kirish holatini oldini olish, giyohvand moddalar isteʼmolini oldini olish va sotish holatlari hamda talabalar orasida korrupsion holatlar profilaktikasi yuzasidan direktor maslahatchisi J.Tadjibayev tomonidan hayotiy misollar asosida maʼlumotlar yetkazildi. Soʻngra yoshlar masalasi boʻyicha dekan oʻrinbosari R.Ummatov yoshlarning maʼnaviy dunyoqarashini rivojlantirish haqida tushunchalar berib oʻtdi. Shuningdek, yoshlar yetakchisi H.Haydarov ijtimoiy tarmoqlarda talabalarning faolligi yuzasidan takliflari tinglandi. Yigʻilish yakunida talabalarning savollari tinglanib aniq javoblar berildi. Yigʻilishda sirtqi taʼlimda 15 nafar va kunduzgi taʼlimda tahsil olayotgan 38 nafar guruh sardorlari ishtirok etdi.

1-Talabalar turar joyi

Joriy yilning 31-yanvar kuni Islom Karimov nomidagi Toshkent davlat texnika universiteti Qoʻqon filiali direktori v.b B.Qushimov boshchiligida 1-Talabalar turar joyini oʻrganish maqsadida tashrif buyurdi. Shuningdek, talabalarning yashash sharoitlari va issiqlik tizimi taʼminotining ahvoli koʻzdan kechirildi. Talabalar bilan dildan suhbat jarayonida paydo boʻlgan muammolar joyida bartaraf etish yuzasidan masʼullarga topshiriqlar va tavsiyalar berdi.

           

Besh tashabbus

Joriy yilning 31-yanvar kuni Islom Karimov nomidagi Toshkent davlat texnika universiteti Qoʻqon filialda «Besh tashabbusi» doirasida talabalar oʻrtasida shaxmat va shashka musobaqasi tashkil etildi.
Ushbu sport musobaqasi direktor maslaxatchisi J.Tadjibayev tashabbusi bilan amalga oshirildi. Musobaqa yoshlar masalasi boʻyicha dekan oʻrinbosari R.Ummatov, yoshlar yetakchisi X.Xaydarov, jismoniy tarbiya fani professor-oʻqituvchisi D.Sarimsoqov, Matbuot xizmat xodimi X.Begmatov bilan hamkorlikda amalga oshirildi.
Musobaqa gʻolib talabalari
🏆Shaxmat boʻyicha 4-21-guruh talabasi Sh.Ashirboyev.
🏆Shashka musobaqasida 6-19-guruh talabasi S.Umarov gʻolib boʻldi.Ushbu musobaqada jami shaxmatda 42-nafar, shashkada esa 56 nafar talaba ishtirok etdilar.
Gʻoliblar keyingi bosqichga yoʻllanma oldilar.