Iqtidorli talabalar ilmiy-tadqiqot faoliyatini tashkil etish sektori

Iqtidorli talabalar ilmiy-tadqiqot faoliyatini tashkil etish sektori

---

Iqtidorli talabalar ilmiy-tadqiqot faoliyatini tashkil etish sektori Nizomi

1.1. Ushbu sektor o‘z faoliyatini O‘zbekiston Respublikasi Oliy va o‘rta maxsus ta’lim vazirligining «Iqtidorli yoshlarni izlash, aniqlash va ularni maqsadli tayyorlash to‘g‘risida Nizomi» va buyruqlari, hukumat qarorlari, yo‘riqnomalari, ToshDTU Qo‘qon filiali direktorining buyruqlari hamda ushbu Nizom asosida olib boradi.

1.2. Mazkur sektor filial tuzilmaviy qismi bo‘lib, ilmiy ishlar va innovatsiyalar bo‘yicha direktor o‘rinbosariga bo‘ysunadi va sektor boshlig‘i tomonidan boshqariladi.

1.3. Sektorning ijroiya organi bo‘lib, fakultetda ilmiy ishlar bo‘yicha dekan o‘rinbosarlari, kafedralarda ma’sul shaxs hamda kafedralarda faoliyat olib borayotgan ilmiy to‘garaklar rahbarlari hisoblanadi.

1.4. Sektor o‘z tarkibiga kiradigan iqtidorli talabalar faoliyatini yo‘naltiradi, muvofiqlashtiradi va boshqaradi.

SEKTORNING ASOSIY  VAZIFALARI

• TDTU Qo‘qon  filialidagiiqtidorli va tashabbuskor yoshlar bo‘yicha yagona ma’lumotlar bazasini shakllantirish va muntazam yangilab borish hamda ularni mamlakatning yetakchi olimlari va ishbilarmonlari bilan hamkorligini ta’minlash;
  • Iqtidorli talabalarni intellektual salohiyatini aniqlab borish;
  • Iqtidorli talabalarni qobiliyati va qanday yo‘nalishga moyilligiga qarab maqsadli tayyorlashni tashkil etish;
  • Innovatsion loyihalarini rivojlantirish va qo‘llab-quvvatlash, ilmiy- innovatsion akselerator va biznes-inkubatorlarni tashkil etish asosida tashabbuskor yoshlarni tadbirkorlik faoliyatiga yo‘naltirish;
  • Iqtidorli yoshlarni rivojlangan xorijiy mamlakatlarning nufuzli ilmiy markazlari, universitetlari, texnoparklari va ishlab chiqarish korxonalarida malaka oshirishlariga ko‘maklashish;
  • Oliy ta’lim muassasalarida tegishli soha yo‘nalishlari bo‘yicha yangi avlod ilm-fan jamoalari va maktablarini shakllantirish;
  • Ilm-fan sohasida o‘z o‘rnini topib borayotgan, kelajakda mamlakat ilm- fani nufuziga o‘z hissasini qo‘sha oladigan bo‘lajak akademiklar jamoalarini shakllantirib borish;
  • Talabalarning ilmiy-tadqiqot ishlarini amalga oshirishning turli usullari, yo‘nalishlari va ko‘nikmalarining o‘zlashtirishlariga sharoit yaratish;
  • Talabalarning ilmiy-tadqiqot faoliyatida ishtirok etishi orqali o‘quv materiallarini chuqurroq o‘zlashtirishiga ko‘maklashish va ularning ushbu jarayonga ijodiy yondashuvini kuchaytirish;
  • Iqtidorli talabalarni Respublika va xalqaro fan olimpiadalarida, davlat stipendiyalari hamda davlat mukofotlari tanlovlarida faol ishtirokini ta’minlash;
  • Talabalarning ilmiy muammolarni mustaqil hal qilish usullarini o‘rganishi va ularning ilmiy jamoalarda ishlash qobiliyatini shakllantirish;
  • Talabalarni oliy ta’lim muassasasida bajariladigan ilmiy tadqiqot loyihalariga keng jalb qilish;
  • Oliy o‘quv yurtidan keyingi ta’lim bosqichlariga qobiliyatli yoshlarni tanlash bo‘yicha ishlarni tashkil etishda sifat va samaraga erishishga ko‘maklashish.
  • Iqtidorli talabalarning ilmiy-ijodiy to‘garaklarini tashkil etish va ilmiy- ijodiy izlanishlarga tegishli shart-sharoit yaratib berish;
  • Yoshlar akademiyasi liderlari saylovini Yoshlar bilan ishlash, ma’naviyat va ma’rifat bo‘limi hamkorligida tashkil etish va ular faoliyat olib borishiga ko‘mak berish;
  • Talabalarni ta’lim yo‘nalishiga mos startap loyihasini hamda ratsionalizatorlik g‘oyasini bitiruv malakaviy ishi va magistrlik dissertatsiyasi sifatida himoya qilishga keng jalb qilish;
  • Iqtidorli talabalarning ilmiy faoliyati natijalari, erishgan yutuqlari va amalga oshirgan ishlari yuzasidan OAV vositalari va ijtimoiy tarmoqlarda keng yoritib borish;

3. Sektorning huquqlari

3.1. Sektor huquqlarini sektor boshlig‘i, agar u bo‘lmasa uning ko‘rsatmasi bilan sektor muhandisi amalga oshiradi.

3.2. Filial fakultet va kafedralaridan iqtidorli yoshlar faoliyati to‘g‘risidagi hisobotlarni hamda ularning bajarilishi bo‘yicha ma’lumotlarni talab etadi.

3.3. Sektor faoliyatiga oid masalalar yuzasidan fakultet va kafedralarda  tekshiruvlar o‘tkazish.

3.4. Kafedralardagi mavjud to‘garaklar faoliyatini baholash va  nazorat qilish huquqiga ega.

4. Sektorning majburiyatlari

4.1. Iqtidorli yoshlar faoliyati yuzasidan o‘rnatilgan shakllardagi  hisobotlarni Oliy va o‘rta maxsus ta’lim vazirligiga belgilangan muddatlarda taqdim etish.

4.2. Iqtidorli yoshlar faoliyati bo‘yicha filial Kengashida hisobot berish.

4.3. Sektor faoliyati bo‘yicha filial rahbariyatiga tezkor axborot va ma’lumotlarni taqdim etish.

4.4. O‘zbekiston Respublikasi Vazirlar Mahkamasining tegishli qarorlari, Vazirlik buyruqlari va yo‘riqnomalarining ijrosini muddatida ta’minlash.

4.5. Sektor faoliyatini sifatli tashkil etish maqsadida quyidagi hujjatlar yig‘ma jildini yuritish:

• Iqtidorli yoshlar bilan ishlash sektor Nizomi;
• Iqtidorli yoshlar bilan ishlash sektorining yillik ish rejasi;
• Oliy ta’limga tegishli O‘zbekiston Respublikasi Prezidenti farmonlari, Vazirlar Mahkamasi qarorlari, Vazirlik buyruqlari nusxalari;
• Filial direktori buyruqlari nusxasi;
• Fakultet va kafedralar bo‘yicha iqtidorli yoshlar ro‘yxati;
• Iqtidorli yoshlarga berilgan tavsiyalar va unga ilova hujjatlar hamda fotosuratlar;
• Yoshlar ilmiy anjumanlari, seminarlari, olimpiada va tanlovlar o‘tkazilishiga oid hujjatlar;
• Sektor hisobotlari;